భగత్ సింగ్ 1907, సెప్టెంబర్ జన్మించారు. ఆయన పుట్టిన సమయానికే ఆయన తండ్రి కిషన్ సింగ్, బాబాయ్ అజిత్ సింగ్ జైలు నుండి విడుదలయ్యారు. అందుకే ఆయనకు ఇంట్లో వారు ‘భాగ్యవాలా’ అని పేరు పెట్టారు, అదే కాలక్రమేణా ‘భగత్ సింగ్’గా మారింది.చిన్నప్పటి నుండే ఇంట్లో తుపాకులు, విప్లవ చర్చలు చూస్తూ పెరగడం వల్ల దేశం పట్ల ప్రేమ ఆయనలో సహజంగానే ఏర్పడింది. భగత్ సింగ్ కుటుంబం మొత్తం స్వాతంత్ర్య పోరాటంలో ఉండేది. ఆయన తండ్రి మరియు బాబాయ్ ‘గదర్ పార్టీ’లో సభ్యులు.
భగత్ సింగ్కు 12 ఏళ్ల వయసున్నప్పుడు జరిగిన జలియన్ వాలా బాగ్ మారణకాండ ఆయన మనసుపై బలమైన ముద్ర వేసింది. ఆ ఘటన జరిగిన మరుసటి రోజే ఆయన స్కూలుకు వెళ్లకుండా, 12 మైళ్లు నడిచి అమృత్సర్ చేరుకున్నారు. అక్కడ అమాయక భారతీయుల రక్తంతో తడిసిన మట్టిని ఒక సీసాలో నింపుకుని ఇంటికి తెచ్చుకున్నారు. ప్రతిరోజూ ఆ మట్టికి పూలు సమర్పించి, దేశం కోసం ఏదైనా చేయాలని ప్రతిజ్ఞ చేసేవారు.
అహింస నుండి విప్లవం వైపుప్రారంభంలో భగత్ సింగ్ మహాత్మా గాంధీ అనుసరించిన అహింసా మార్గాన్ని గౌరవించేవారు. కానీ, 1922లో చౌరీ చౌరా ఘటన తర్వాత గాంధీజీ ‘సహాయ నిరాకరణ ఉద్యమాన్ని’ ఆపివేయడం భగత్ సింగ్ను నిరాశకు గురిచేసింది. కేవలం శాంతి చర్చల వల్ల స్వాతంత్ర్యం రాదని, విప్లవం ద్వారానే సాధ్యమని ఆయన గట్టిగా నమ్మారు…
పొరపాటున సాండర్స్ హత్య (డిసెంబర్ 17, 1928)ప్లాన్ ప్రకారం స్టేషన్ బయట భగత్ సింగ్, రాజ్గురు వేచి ఉన్నారు. అయితే, స్కాట్కు బదులుగా పొరపాటున మరొక పోలీస్ ఆఫీసర్ జాన్ సాండర్స్ బయటకు వచ్చాడు. రాజ్గురు మొదట కాల్పులు జరపగా, భగత్ సింగ్ కూడా సాండర్స్పై కాల్పులు జరిపారు. సాండర్స్ అక్కడికక్కడే మరణించాడు. సాండర్స్ హత్య తర్వాత నగరం అంతా భగత్ సింగ్ బృందం పోస్టర్లు అంటించింది. అందులో “లాలా లజపతిరాయ్ మరణానికి ప్రతీకారం తీర్చుకున్నాం. ఒక గొప్ప నాయకుడిని చంపినందుకు బ్రిటిష్ వారు భారీ మూల్యం చెల్లించుకున్నారు” అని రాశారు.
భగత్ సింగ్ జీవిత చరిత్ర #Bhagat Singh Biography in TeluguShaheed Bhagat Singh Historyభగత్ సింగ్ అసలు కథFreedom Fighters of India TeluguJallianwala Bagh incident TeluguSaunders Murder Case Bhagat SinghInquilab Zindabad meaning in TeluguRevolutionary Heroes of IndiaTrending Topics Telugu Biographyభారత స్వాతంత్ర్య సమరయోధులు
